اضحك مع بعض النكت الجزائرية

نبدا على بركة الله

1-واحد كان رفد الدجاج في 404 باشي حبسوه في براج اعطنا وثائق السيارة ....

منين شافوا الدجاج قال له الشرطي بن عمي قداش الدجاج واش راك توكله

قال له نوكله الزرع
الشرطي على بالك بلي الزرع نستوردوه بالعملة الصعبة

مدله بروسي 1500دج
كمل زاد تمشى 20كلم حبسوه في براج آخر وثائق السيارة...
بن عمي قداش الدجاج واش راك توكله
قال لهم نوكله الخبز اليابس
الشرطي معلبلكش الخبز اليابس يخدموا به الكرانتيكا و انت تعطيه للدجاج
اعطوه بروسي 1500دج
زاد كمل الطريق منين قرب يوصل حبسوه في براج وثائق السيارة....
بن عمي قداش الدجاج راه قريب يولي داندو واش راك توكله
قال لهم نعطيه الدراهم يشري روحه




3-واحد احول تلقى مع صحبه قاله راك تشوف ديك النخلة
لحول قال له هدوك زوج نخلات قعدوا متجدلين فات عليهم ثالث
قالوا له هذيك نخلة و لا زوج قالهم هذيك واحة...


4-واحد تخصم مع خطيبته كانت تكتب له و هو يبعتلها
0 *, ٪ 2

ما فهمتش المساج راحت عنده باه يفهمها قال لها تعودي تدوري بيا نضربك و نسقسمك على زوج


5-واحد الشبانية بعث لها ابنها برية بعد ثلاثة سنوات من الغربة خرجت الى الشارع و نادت واحد الولد
باه يقرها هو قاري بصح كڤوڤي
ايا حل البرية باه يقرها قال لها : او او اومي ال ال العزيزة
قالت له: صافي ارها لهنا راك مبيكي لا تمشي تفصيها...

1- واحد مهبول مات باباه كتبله THE END في قبره.

2- واحد مهبول ولدت مرتو توام جن رجلها وقالها الطفل الثاني شكون باباه؟

3- واحد راح للطبيب النفسي قالو يا سيدي راني نحس روحي كلب، قالو الطبيب من وقتاش راك تحس روحك كلب، قالو من لي كنت جرو.

4- واحد حساد بزاف، كي تحرقت الدار تع جارو راح سلكو، سقساوه قالولو نتا كيفاه حساد و سلكته من النار؟ قالهم سلكته على زوش صوالح الأولى باش ما يموتش شهيد و يدخل الجنة و الثانية باش يعيش مشوه طول حياتو.

5- واحد دخلو مسمار راح لطبيب قاله الطبيب 500 ألف، قاله عوجه و خليه الله يحفظك.

6- كاين زوش كذابين الأول قال: "يا صاحبي عندي وحد القدرة دايرة في الكبر كيما وهران، الثاني قالو عندي وحد البطاطا ديرة قد وهران حتى قاله الأول: شحال تكذب، وين طيبها؟ قاله الثاني: في القدرة تاعك.



أتمنى أنها أعجبتكم.............

................إلى القادم إن شاء الله